Takilek Ikan Didalam Lubuak

Takilek Ikan Didalam Lubuak
Cipt. ALBANNA

Sakiknyo sakik paruntuangan,
Sanang diurang banampakkan,
Badan nan bansaik dilendo jaman,
Katanah rantau kaki bajalan,

Tabayang ameh dirantau urang,
Kironyo sansai nan ka dijalang,
Tasisiah badan digalanggang,
Rasaki bana diek oiiii alun basarang,

Reff:
Dirantau urang mato balinang,
Batin manangih badan takaluak,
Sadang nyo bansaik dirantau urang,
Takilek ikan didalam lubuak.

Tanah batuah kampuang halaman,
Ma imbau - imbau manyuruah pulang,
Diparak sajo lapiak kambangkan,
Usah dituruik rayuan tanah subarang..

Kecelakaan Lapangan Merdeka Medan

https://www.instagram.com/p/BTyurAuA_4K/

Hujan Mamanciang Rindu

Hujan Pamanciang Rindu
Cipt. ALBANNA

Malam nan sunyi tiado babintang
Angin malam babisiak sayang
Jangkrik anggan untuak badendang
Denai tamanuang ditapi janjang

Katiko angin barambuih kancang.
Rintiak hujan mambasah badan.
Rupo adiak mulai tabayang.
Angan pun tabang manabuih kanangan.

Reff.
Hujan nan turun dilaruik malam
Badendang ratok nasib nan malang.
Mambaok kaba maso nan silam
Samaso tangan saliang sabimbiang.

Oh angin
Sampaikanlah salam rindu
Dakek adiak nan denai sayang
Oh hujan.
usahlah datang mamanciang rindu.
Bia tanang taraso hati..

@ALBANNAdiNata

Nasib Kuini nan Malang

Nasib Kuini Nan Malang
Cipt. ALBANNA

Bamulo batang ditanam urang
Disiram tuan pagi jo patang
Kini pokok lah mulai gadang
Badahan banyak daunnyo rindang.

Katiko musim datang manjalang
Daun nan hijau lah tampak kuniang.
Ulah dek bungo sadang mangambang.
Sananglah hati tuan mamandak.

Reff:
Katiko putiak lah mulai gadang.
Badai mahadang hujan jo kilek.
Patah lah rantiang jo dahan malang
Habih lah buah jatuahnyo ruruik.

Lah malang kuini malang.
Dahan patah ditingga urang.
Tuan datang raso ka berang.
Isuok batang ditabang urang.